जेठ १८ गतेबाट प्रदर्शनमा आउने तयारीमा रहेको चलचित्र ‘बेबि आई लभ यू’ को रोमान्टिक गीत सार्वजनिक गरिएको छ । ‘कहानी तेरो र मेरो’ बोलको गीतमा नायक सन्तोष खड्गी र सुज्यम नेपालीको स्वर छ । शब्द तथा संगीत पनि सन्तोषकै हो ।
सरोज अधिकारीको कोरियोग्राफी रहेको भिडियोमा सन्तोष र नायिका पूजा तिवारी प्रस्तुत छन् । सन्तोषको कथा रहेको ‘बेबि आई लभ यू’ लाई जनक पाण्डेले निर्देशन गरेका हुन् । चलचित्रमा पटकथा तथा संवाद पनि उनकै छ ।
सन्तोष र पूजासँगै यसमा सरोज खनाल, निर्मल शर्मा, राजु कमेडी, रेशम बुढाथोकी, अप्सन पन्थीलगायतको पनि अभिनय छ । यो चलचित्र सुरज आचार्यले खिचेका हुन् ।
लिची इन्टरटेन्मेन्ट प्रा.लि.को ब्यानरमा शिव न्यौपाने निर्मित उक्त चलचित्रमा सिर्जना परियार र दुर्गा पाण्डे सह–निर्मातामा रहेका छन् ।
भिडियो :-