पटक पटक प्रदर्शन मिति तय हुँदै पोस्टपोन्ड भएको चलचित्र ‘रोमियो एण्ड मुना’ अब साउन ११ गतेबाट दर्शकमाझ आउने भएको छ । बिहीवार राजधानीमा एक कार्यक्रमको आयोजना गर्दै निर्माण टिमले प्रदर्शन मिति घोषणा सँगै एक रोमान्टिक गीत पनि सार्वजनिक गरेको छ ।
‘पल पल’ बोलको गीत फरक शैलीमा तयार पारिएको छ । विश्व प्रख्यात चित्रकार विन्सेन्ट भेन गोघद्वारा निर्मित चित्रमा भिडियो बुनिएको छ । यसमा सृष्टि र विनय फिचर छन् ।
सुक्मित गुरुङको आवाज रहेको गीतमा विश्व शाहीको शब्द तथा संगीत सुन्न सकिन्छ । गीतका कोरियोग्राफर राजिव समर र नरेश कुमार केसी हुन् ।
चलचित्रमा प्रज्वल सुजल गिरी, सुष्मा कार्की, सुरक्षा पन्त लगायतका कलाकारहरुको पनि अभिनय छ । यो चलचित्रमा लोकेन्द्र बज्रचार्यको सम्पादन, गौरव डागोन्कर, कोशिश क्षेत्री, कालीप्रसाद बाँस्कोटा र अर्लको संगीत, प्रताप सिंह, रेनशा राई, राजिव समरको कोरियोग्राफी छ ।
शहरिया युवा र ग्रामिण युवती बिचको प्रेमकथा बोल्ने ‘रोमियो एण्ड मुना’ लाई प्रसन्न गोपाली, रामशर्मा, कविनशाक्य र नायक विनय श्रेष्ठले संयूक्त रुपमा निर्माण गरेका हुन् । नरेश कुमार केसीले निर्देशन गरेको ‘रोमियो एण्ड मुना’ लाई दिपाङकर सिक्देर र बाबु श्रेष्ठले खिचेका हुन् ।
गीत हेर्नुस् :-