सलमानपछि अब ऋतिकको अपोजिटमा दिशा !

बलिउड अभिनेत्री दिशा पाटनी अहिले डिमान्डमा छिन् । चलचित्र ‘बागी २’ को सफलतापछि अब उनलाई सलमान खानको नयाँ चलचित्र ‘भारत’ का लागि साइन गरिएको छ ।

अब खबर आएको छ कि दिशालाई ऋतिक रोशनको नयाँ चलचित्रमा लिड फिमेलका लागि अप्रोच गरिएको छ । रोहित धवन एक फिल्मको स्क्रिप्टमा काम गरिरहेका छन् ।

खबरअनुसार, ऋतिक रोशनले रोहित धवनको यो चलचित्र गर्ने निधो गरिसकेका छन्, जसकारण फिल्ममेकर्स एक अभिनेत्रीको खोजीमा थिए । अब ऋतिकको अपोजिटमा दिशालाई चुनिएको खबर छ ।

ऋतिक रोशन हाल नयाँ चलचित्र ‘सुपर ३०’ को छायांकनमा व्यस्त छन् । यो चलचित्रमा उनी बिहारका गणितज्ञ आनन्द कुमारको भूमिकामा देखिँदैछन् । चलचित्रलाई यस वर्षको २५ जनवरीमा रिलिज गरिदैछ ।