निकै कम नेपाली फिल्मले सोलो रिलिजको मौका पाउँछन् । हरेक वर्ष सयभन्दा बढी फिल्म प्रदर्शन हुने हुँदा ठूला ब्यानर र स्टार कलाकारका फिल्मले मात्र मुश्किलले सोलो रिलिजको मौका हात पार्ने गर्दछन् ।
जेठ ११ गतेबाट प्रदर्शनमा आउन लागेको चलचित्र ‘सुनकेसरी’ ले भने अन्तिम घडीमा एकल प्रदर्शनको अवसर पाएको छ । यो मितिमा आउन लागेको ‘ब्ल्याक’ नामक चलचित्रको रिलिज डेट पोस्टपोन्ड भएपछि हरर जनराको ‘सुनकेसरी’ ले एक्लै हलमा प्रदर्शन सुरु गर्न लागेको हो ।
एकल प्रदर्शनको अवसर पाउँदा चलचित्रको इनिसियल व्यापार केही राम्रो हुन्छ । अब यस चलचित्रले सोलो रिलिजको फाइदा कस्तो उठाउला त्यो भने हेर्न बाँकी छ । यसमा अभिनेत्री ऋचा शर्माको प्रमुख भूमिका छ । अर्पण थापा यसका निर्देशक हुन् ।
उक्त चलचित्रमा ऋचाका अलावा भीम न्यौपाने, रबिन्द्र झा, सुनिल पराजुली, तमन्ना शर्मालगायतका कलाकारहरुको अभिनय छ ।