पोष्टरमा यस्तो छ प्रशान्त, अनुप र वर्षाको ‘जय शम्भु’

भदौ १ गतेलाई प्रदर्शन मिति तय गरिएको चलचित्र ‘जय शम्भु’ को दुई पोष्टर सार्वजनिक भएको छ । पोष्टरमा दुई ह्याण्डसम भिलेन अनुप विक्रम शाही र प्रशान्त ताम्राकारसँगै अभिनेत्री वर्षा सिवाकोटीलाई देख्न सकिन्छ ।

पोष्टरले चलचित्र एक्सन लभस्टोरी जनरामा निर्माण भएको बुझ्न सकिन्छ । काठमाडौं र अन्नपूर्ण बेशक्याम्पमा खिचिएको यो चलचित्रका प्रस्तुतकर्ता दिनेश शाही हुन् ।

रुपेश तामाङ निर्देशित ‘जय शम्भु’ मा रोशन महर्जन, करुणा पाण्डे, अनुपम श्रेष्ठ, बसन्त भट्ट, कालु राना लगायतका कलाकारहरुको पनि अभिनय छ ।

उक्त चलचित्रमा हरि घले लामाको छायांकन, श्री श्रेष्ठको एक्सन, टंक बुढाथोकीको संगीत, वनिश शाहको सम्पादन, रामजी लामिछानेको नृत्य रहेको छ । राजकुमार नगरकोटी र चक्र पाख्रिन कार्यकारी निर्माता रहेको ‘जय शम्भु’ को निर्मातामा अरविन्द्र शाक्य छन् ।