विद्याको करिअर धरापमा

‘पा’, ‘इश्किया’, ‘नो वन किल्ड जेसिका’, ‘द डर्टी पिक्चर’ र ‘कहानी’ चलचित्रबाट सफलताको सिढी चढेकी बलिउड अभिनेत्री विद्या वालनका चलचित्रहरुले पछिल्लो पटक खासै बक्सअफिसमा खासै तहल्का मच्चाउन सकेका छैनन् ।

बलिउड सुपरटार शाहरुख खानले कुनै समय विद्यालाई चौथो खान समेत बताएका थिए तर अब त्यो अवस्था भने रहेन । विद्याको पछिल्ला ७ चलचित्रहरु लगातार असफल रहे । उनले सन् २०१३ यता कुनै एक हिट चलचित्र पनि आफ्नो खातामा दर्ता गर्न सकेकी छैैनन् ।

‘शादी के साइड इफेक्ट’ (२०१४), ‘बाबी जासुस’ (२०१४), ‘हमारी अधुरी कहानी’ (२०१५), ‘तीन’ (२०१६), ‘कहानी २ः दुर्गा रानी सिंह’ (२०१६) ‘बेगम जान’ (२०१७) जस्ता चलचित्रहरुले दर्शकलाई आकर्षित गर्न सकेनन् ।

फरक खाले फिल्म गर्न रुचाउने विद्यालाई पछिल्लो पटक भने उनको करिअर नै धरापमा परेको छ । उनको पछिल्लो समय रिलिज भएको फिल्म ‘तुम्हारी सुल्लु’ पनि पत्तासाफ भएको थियो । अब उनको करिअरकोे गाडी कुन रफ्तारमा हिँड्ने छ त्यो भने हेर्न बाँकी छ ।