करीनासँग काम गर्दै कार्तिक आर्यन ?

करीना कपूर खान र कार्तिक आर्यन गएको महिना मनीष मल्होत्राको फेसन शोमा एकसाथ देखिएका थिए । शोमा यी दुई र्‍याम्पमा उत्रिएका थिए ।

रिपोर्ट्सको खबरलाई आधार मान्ने हो भने करीना र कार्तिक चाँडै करण जोहरका प्रोडक्शनमा बन्न लागेको एक फिल्ममा देखिन सक्छन् । यो एक डबल हिरो र डबल हिरोइनको कथा हो, जसमा कार्तिक र करीना एकअर्काको अपोजिटमा हुने छैनन् ।

फिल्मलाई राज मेहताले निर्देशन गर्दैछन् । राजका लागि यो फिल्म उनको डाइरेक्टोरियल डेब्यू हुनेछ । राजले यसअघि पनि धर्मा ग्रुपसँग काम गरिसकेका छन् ।

जानकारीका अनुसार, करीनाले यो प्रोजेक्टका लागि मौखिक सहमती दिएपनि साइन भने गरेकी छैनन् । लव रञ्जनको निर्देशनमा बनेको कार्तिकको फिल्म ‘सोनू के टीटू की स्वीटी’ बक्सअफिसमा हिट साबत भएको थियो । यसपछि अहिले बलिउडमा कार्तिकको डिमाण्ड गज्जब छ ।