बलिउड सुपरस्टार सलमान खान अभिनीत बहुप्रतिक्षीत चलचित्र ‘रेस ३’ को एक्सन प्याक्ड ट्रेलर सार्वजनिक भएको छ । सलमान यसमा एक साइकोलोजिकल भिलेनको भूमिकामा देखिएका छन् ।
१५ जूनलाई प्रदर्शन मिति तय गरिएको रेमो डिसूजा निर्देशित यो चलचित्रमा सलमानसँगै ज्याकलीन फर्नान्डिज, बबी देओल, अनिल कपूर, डेजी शाहलाई एक्सन अवतारमा देख्न सकिन्छ । रमेश तौरानी निर्मित यस चलचित्रको ट्रेलरमा ज्याकलीन र डेजी निकै बोल्ड लुक्समा देखिएका छन् ।
स्मरण रहोस्, सलमानको गएको २२ डिसेम्बरमा चलचित्र ‘टाइगर जिन्दा हे’ प्रदर्शनमा आएको थियो । भारतीय बक्सअफिसमा ३ सय करोडभन्दा बढी कलेक्सन गरेको यो चलचित्रका कारण ‘रेस ३’ लाई ठूलो फाइदा पुग्ने धेरैको अनुमान छ । सलमानका प्रशंसक फेरि पनि उनको एक्सन अवतार हेर्न व्यग्र प्रतिक्षामा छन् ।
खबरअनुसार, यस चलचित्रले प्रदर्शन अगावै १९० करोडको कमाई गरेको छ । मिडियाको खबरलाई आधार मान्ने हो भने ‘रेस ३’ का प्रोड्यूसर रमेश तौरानीले यस चलचित्रको थिएट्रिकल राइट्स इरोज इन्टरनेशनललाई १९० करोडमा बेचेका छन् ।
भिडियो :-