सुपरस्टार सलमान खानले बिहीवार चलचित्र ‘रेस ३’ को एक नयाँ पोस्टर सार्वजनिक गरेका छन् । योसँगै चलचित्रको ट्रेलर सार्वजनिक हुने डेट समेत घोषणा गरिएको छ । चलचित्रको ट्रेलर १५ मेमा रिलिज हुँदैछ ।
‘रेस ३’ को नयाँ पोस्टर धेरै हदसम्म हलिउड चलचित्र ‘एभेन्जर्स इन्फिनिटी वार’ सँग मिल्छ । यही कारण केही व्यक्तिहरुले यसको मजाक पनि उडाइरहेका छन् । चलचित्रको पोस्टरको रंग र स्टार्सको पोजिसन उस्तै गरि राखिएको छ जहाँ फिल्म ‘एभेन्जर्स इन्फिनिटी वार’ मा हलिउड एक्टर्सलाई राखिएको छ ।
सलमान खान दमदार भूमिकामा छन् यसकारण पोस्टरमा उनलाई सेन्टर पोजिसन दिइएको छ । रेमो डिसूजाको निर्देशनमा बनेको यस चलचित्रको अहिलेसम्म धेरै पोस्टर सार्वजनिक भइसकेका छन् ।
यस चलचित्रमा सलमान खानका अलावा ज्याकलीन फर्नान्डिस, अनिल कपूर, डेजी शाह, बबी देओल र साकिब सलीम जस्ता एक्टर्स पनि देखिँदैछन् । सलमानले आजसम्म चलचित्रमा भिलेनको भूमिका निर्वाहा नगरेका कारण उनले ‘रेस ३’ मा नेगेटिभ रोल चयन गरेका हुन् ।
उक्त चलचित्रमा उनको रोल पूरै नेगेटिभ भने छैन । उनी ‘रेस ३’ मा साइकोलोजिकल भिलेनको भूमिकामा देखिँदैछन् । चलचित्रको रिलिज डेट १५ जूनलाई तोकिएको छ ।