असार २९ मा आउने भयो ‘बाबु कान्छा’

अभिनेता सलोन बस्नेत र अभिनेत्री करिश्मा श्रेष्ठ अभिनीत चलचित्र ‘बाबु कान्छा’ को प्रदर्शन मिति तय गरिएको छ । यस चलचित्रलाई असार २९ गतेबाट प्रदर्शनमा ल्याउने कन्फर्म भएको निर्देशक शोभित बस्नेतले जानकारी दिए ।

निर्देशक बस्नेतको कथा र निर्माण समेत रहेको यसमा सलोनको जोडीको रुपमा करिश्मा श्रेष्ठ देखिएकी छिन् । यसअघि यो कपलले चलचित्र ‘लब सब’ गरेका थिए ।

रवि अधिकारी यस चलचित्रका कार्यकारी निर्माता हुन् । चलचित्रमा सलोन र करिश्माको अलवा ऋतिक शाही, सरोज खनाल, राजाराम पौडेल, निर शाह, सम्राटा थापाको मुख्य भूमिका छ ।

‘बाबु कान्छा’ मा गौतम राज खड्काको सम्पादन, अष्ट महर्जनको एक्सन, शोभित बस्नेत, रामजी लामिछाने र दीपेन्द्र तिमिल्सिनाको कोरियोग्राफी, टंक बुढाथोकी र लक्ष्मण शेषको संगीत, बाबु श्रेष्ठको छायांकन छ ।