चलचित्र ‘क्याप्टेन’ को छायांकन सुरु भएको छ । सुपरस्टार अनमोल केसीको प्रमुख भूमिका रहने यसमा उनले फुटबल खेलाडीको भूमिका निर्वाहा गर्दैछन् ।
भुवन केसीको निर्माण रहने यस चलचित्रलाई दीवाकर भट्टराईले निर्देशन गरिरहेका छन् । दुई दिनदेखि यो फिल्मको छायांकन इलाममा भइरहेको छ ।
खबरअनुसार, इलाममा भइरहेको ‘माइभ्याली गोल्डकप’ भन्दा चार घण्टा अगाडिदेखि उक्त ग्राउण्डमा ‘क्याप्टेन’ को सुटिङ चल्दै आएको छ । उक्त चलचित्रमा स्थानिय खेलाडीले समेत अभिनय रहेको छ ।
पूर्वको एउटा सानो गाउँबाट राष्ट्रिय फुटबल खेलको विजेतासम्म बनेका एक युवकको संघर्षको कथा चलचित्र ‘क्याप्टेन’ ले बोल्नेछ । चलचित्रमा अनमोलको क्याप्टेनको भूमिकामा सरोज खनाल छन् ।
अनमोल र सरोज खनालको चार हप्ता लामो फुटबल ट्रेनिङ पश्चात्, यो चलचित्रको छायांकन सुरु भएको हो । हालैमा सुटिङ भइरहँदाको एक तश्बिर सामाजिक सञ्जालमा भाइरल भएको छ । तश्बिरमा अनमोल ११ नम्बरको फुटबलको जर्सीमा देखिएका छन् ।
चलचित्रमा सरोजपछि अनमोललाई क्याप्टेन बनेको हेर्न पाइनेछ । चलचित्र ‘क्याप्टेन’ मा अनमोलसँग उपासना सिंह ठकुरी र प्रियंका एमभीको जोडी बाँधिएको छ ।