यही शुक्रवारबाट प्रदर्शनमा आउन लागेको खगेन्द्र लामिछाने अभिनीत चलचित्र ‘डमरुको डण्डीबियो’ ले ‘यूनिभर्सल सर्टिफिकेट’ पाएको छ । चलचित्रलाई सेन्सर बोर्डले सबैले हेर्न मिल्ने गरि सर्टिफिकेट दिएको छ ।
चलचित्रको आइतवार सेन्सर गरिएको हो । यस चलचित्रले नेपालबाट लोप हुँदै एको डण्डीबियोको कथा बोल्छ । उक्त चलचित्रका निर्देशक छेतेन गुरुङ हुन् ।
खगेन्द्र लामिछाने, मेनुका प्रधान, वुद्धि तामाङ, लक्ष्मी बर्देवा, मिश्री थापा, नमिता घिसिङ, इंगि होपू कोइंच सुनुवार, अशान्त शर्मा, अंकित खड्का लगायतका कलाकारहरुको चलचित्रमा अभिनय छ ।
‘डमरुको डण्डीबियो’ को कथा कलाकार खगेन्द्र आफैंले लेखेका हुन् । यो समृद्धि इन्टरटेन्मेन्टको ब्यानरमा विनोद गुरुङ र नोर्बु छिरिङ घलेको लगानीमा निर्माण भएको हो ।