व्यावसायिक रुपमा सफल हुन नसकेपनि दर्शकले रुचाएको चलचित्र हो ‘ब्लाइन्ड रक्स’ । अहिले यो चलचित्रको विदेशमा राम्रो माग छ । विभिन्न देशहरुमा चलचित्रको प्रदर्शन प्रायः दैनिकजसो हुँदै आएको छ ।
यसैबीच राजधानीको कुमारी हलमा सृष्टिको संस्था ‘ब्लाइन्ड रक्स’ को सहयोगार्थ च्यारिटी शो गरिएको छ ।
एकै समयमा दुई शो राखिएको र दुवै शोको टिकट ‘सोल्ड आउट’ भएको निर्माता निकेश लिम्बुले जानकारी दिए । उनका अनुसार, फिल्मको च्यारिटी शोमा विशिष्ठ व्यक्तिहरुको समेत उपस्थिति रहेको थियो । शोमा उपस्थित अधिकांशले फिल्मको तारिफ गरेका छन् ।
मिलन चाम्स निर्देशित ‘ब्लाइन्ड रक्स’ मा नायिका बेनिशा हमालले पर्दामा सृष्टिको भूमिका निर्वाहा गरेकी छिन् ।
चलचित्रमा अर्पण थापा, गौरी मल्ल, अनिल शाह, बसन्त भट्टको समेत मुख्य भूमिका छ । एन फिल्मस क्रिएसन र चाम्स इन्टरटेनमेन्टको ब्यानरमा चलचित्र निर्माण भएको हो ।