युवा स्टार प्रदीप खड्काको प्रमुख भूमिका रहने नयाँ चलचित्र ‘रोजी’ का लागि नायिका छनौट गरिएको छ । ‘चपली हाईट २’ फेम अभिनेत्री परमिता आरएल राना यस चलचित्रमा अनुवन्धित भएकी छिन् ।
गोपीकृष्ण मुभिज र आरोही इन्टरटेन्मेन्टको ब्यानरमा बन्ने चलचित्रको निर्देशन निरक पौडेलले गर्नेछन् । चलचित्रको प्रस्तुतकर्तामा उद्धव पौडेल रहेका छन् ।
यसमा प्रदीप र परमिताका अलावा कर्मा शाक्य, बरुण आरएल राणा, रविन्द्र खड्का, प्रकाश श्रेष्ठ लगायतको पनि अभिनय रहनेछ ।
आयरा पौडेल र आरोही केसीको निर्माण रहने ‘रोजी’ लाई राजु विक्रम थापाले खिच्नेछन् । केदार भुषालको कथामा तयार हुन लागेको चलचित्रको सम्पादन मित्र डि गुरुङले गर्नेछन् ।
अर्जुन पोखरेलको संगीत रहने यस चलचित्रमा कबिराज गहतराज र रिशब टोट्लानीको कोरियोग्राफी रहनेछ ।