चलचित्र ‘छक्का पञ्जा ३’ मा यसपटक अभिनेता तथा लेखक दीपकराज गिरीसँग अभिनेत्री दीपिका प्रसाईँले रोमान्स गर्ने भएकी छिन् । दीपिकाको पहिलो चलचित्र ‘ऐश्वर्य’ हो ।
हालैमात्र ‘छक्का पञ्जा’ टिमले उनलाई प्रमुख भूमिकामा अनुवन्धित गरेको छ । दीपकराजले बोल्ड एन्ड ब्यूटी नायिका चाहिएको हुँदा दीपिका रोजेको जानकारी दिएका छन् ।
दशैंको फूलपातीमा प्रदर्शनमा ल्याउने गरि ‘छक्का पञ्जा ३’को बैशाख १७ गतेबाट छायांकन सुरु हुँदैछ ।
‘छक्का पञ्जा’ को दुबै श्रृंखलामा अटेकी अभिनेत्री वर्षा राउत यसको तेस्रो भागबाट भने बाहिरिएकी छिन् । यस्तै, ‘छक्का पञ्जा २’ मा प्रमुख भूमिका निर्वाहा गरेकी अभिनेत्री स्वस्तिमा खड्का पनि दीपक-दीपाको क्याम्पबाट ‘आउट’ भएकी छिन् ।
प्रियंकाको भने विशेष भूमिका रहने निर्माण टिमले जानकारी दिएको छ । ‘छक्का पञ्जा ३’ लाई दीपाश्री निरौलाले निर्देशन गर्दैछिन् ।
जितु नेपाल, केदार घिमिरे, वुद्दि तामाङलगायतका केही कलाकार भने यथावत रहेका छन् । पोखरा र दमौलीमा खिचिने चलचित्रको छायाँकारमा पुरुषोत्तम प्रधान छन् ।