काठमाण्डौ। नेपाली चलचित्र ‘बादशाह जुट’को छायांकन शुरु भएको छ । शनिबार राजधानीबाट छायांकन सुरु भएको यो चलचित्र पोखरा र मुम्बईमा पनि खिचिनेछ ।
शुसिल श्रेष्ठ स्टारर यो चलचित्रलाई जोनी सिंह राणाले निर्देशन गरिरहेका छन् । शुसिलको साथमा आमिर गौतम, केइसा रावत, रोशी खड्का, रश्मि पाण्डे, रोबिन तामाङ लगायतका कलाकारको अभिनय रहनेछ । बताईए अनुसार ‘बादशाह जुट’मा सुशीलको भिन्न अवतार देख्न सकिनेछ ।
‘बादशाह जुट’मा एच एण्ड बी फिल्मससँग गोल्डेन ग्रेप्स फिल्म एण्ड इन्टरटेनमेन्टले सहकार्य गरेको छ । अभिषेक कुमार सैनी लिखित चलचित्रमा कमेडी, एक्सन, रोमान्स र थ्रिलको समिश्रण पाइने छ ।