काठमाण्डौ। जेठ ४ गतेबाट प्रदर्शनमा आउन लागेको नेपाली चलचित्र ‘हैरान’ को टिजर सार्वजनिक गरिएको छ । टिजरमा चलचित्रका सबै प्रमूख कलाकारको परिचय गराईएको छ ।
संसारकै कान्छो निर्देशकको रुपमा गिनिज बुक अप वर्ल्ड रेकर्डमा रहेका सौगात बिष्ट निर्देशित यो चलचित्र कमेडी श्रेणीमा रहेको टिजर हेरेर अनुमान लगाउन सकिन्छ । गजित बिष्ट, बुद्दी तामाङ्ग, सत्यराज आचार्य, सरोज खनाल, सागर लम्साल, निश्मा घिमिरे, आरोही शर्मा, सिशिर भण्डारी लगायतलाई टिजरमा देखाईएको छ ।
यस चलचित्रकी कार्यकारी निर्मात्री सम्झना पोखरेल हुन् । डान्स फेभरको ब्यानरमा निर्मित चलचित्रमा मुक्ति घले, सृष्टि घिमिरे, डाक्टर वाई एल लामा निर्माता रहेका छन् । चलचित्रमा कथा तथा कोरियोग्राफी गम्भीर बिस्ट, द्वन्द चन्द्र पन्त, संगीत सत्यराज आचार्य, स्वरूपराज आचार्य, किरण कँडेल, राजन इशान र सन्तोष श्रेष्ठको छ ।
‘हैरान’ मा नवराज उप्रेती र निरज कँडेलको छायांकन, अमित श्रेष्ठको मिक्सिङ र ब्याक ग्राउण्ड स्कोर, अनन्त घिमिरेको कलर र भीएफएक्स, प्रितम पाण्डेको सम्पादन रहेको छ ।
टिजर: