काठमाण्डौ। जेठ २५ मा रिलीज हुने नेपाली चलचित्र ‘चङ्गा’को पहिलो गीत रिलिज भएको छ । राजनराज सिवाकोटीको संगीतमा राजनराज र अञ्जु पन्तको स्वर रहेको ‘कम्पनी माला’ बोलको गीत सार्वजनिक भएको हो । गीतमा शब्द राजेन्द्र थापाले लेखेका छन् ।
चलचित्रका सबैजसो मुख्य कलाकारलाई गीतमा समावेश गरिएको छ । ‘हैट’ नामले चिनिने बुद्दि तामाङ्ग गीतमा छमछमी नाचेका छन् । गीतको भिडियोमा कोरियोग्राफी कविराज गहतराजको छ ।
चलचित्रका निर्देशक किशोर भण्डारी उर्फ ‘डिट्ठासाब’ले सार्वजनिक गीतलाई फिल्मको कथा र परिवेश सुहाउँदो रहेको बताएका छन् । चलचित्र पुर्णतः कमेडी रहेको बताईन्छ ।
चलचित्रमा बुद्धि तामाङ, कमलमणी नेपाल, अंकित खड्का, लक्ष्मी बर्देवा, रेश्मा तिमिल्सिना, प्रेमबर्षा शाह, जीवन भट्टराई, राजन खतिवडा र लक्की भण्डारीको प्रमूख अभिनय छ ।
भिडियो: