ऋचाको ‘सुपर गोर्खे’ अब जेठ २५ मा

अभिनेत्री ऋचा सिंह ठकुरी अभिनीत तथा निर्मित चलचित्र ‘सुपर गोर्खे’ बैशाख ७ गते पनि प्रदर्शनमा नआउने भएको छ ।

पारिवारिक तथा प्राविधिक कारणले चलचित्रको रिलिज मिति पटक पटक सार्नु परेको निर्माता तथा निर्देशक गजेन्द्रराज थापाले बताए । अब यो चलचित्र जेठ २५ बाट प्रदर्शन हुने भएको छ ।

अविर हाउस प्रोडक्सन प्रा.लि.को प्रस्तुती रहेको चलचित्रमा ऋचा सिंहसँगै सुरज सिंह ठकुरी, निराजन लुईंटेल, भुपेन्द्र क्षेत्री, सचिन केसी, कामना भुजेल, भानुदेव विष्ट, उत्तम विष्ट, विनय दाहाल, सन्तोषी श्रेष्ठ र राज थापाको अभिनय रहेको छ ।

किरण माईकलको लेखन रहेको चलचित्रलाई सौरभ लामाले खिचेका हुन् भने द्धन्द्ध निर्देशन चन्द्र पन्तको छ । निर्माताको रुपमा ईश्वरी सिंह ठकुरी, रामकृष्ण र सुदिप जंग थापा रहेका छन् ।