चलचित्र ‘हिरोपन्थी’ बाट बलिउडमा डेब्यू गरेका टाइगर श्राफ अभिनित ‘बागी–२’ ले २ सय करोड कमाएको छ ।
एक्सन चलचित्रमा निकै अब्बल देखिएका टाइगरको यस चलचित्रले पनि बक्सअफिसमा राम्रो कलेक्सन गर्न सफल भएको छ ।
‘बागी २’ यो वर्ष यो आँकडा पार गर्ने दोस्रो चलचित्र हो । ‘पद्मावत’ पछि यस्तो कमाइ गर्ने दोस्रो चलचित्र हो ।
चलचित्रले हालसम्म २३२.०६ करोड भारू विश्वव्यापी रूपमा कमाइसकेको छ । फिल्मले ११ दिनमा यो आँकडालाई पार गरेको हो ।
टाइगरको एक्सनलाई दर्शकले औधी रुचाएका छन् भने अभिनयलाई पनि उत्कृष्ट बोलेका छन् । निर्देशक अहमद खानले ‘बागी’ फ्रेन्चाइजीलाई एक कदम अगाडि लिएर गएका छन् ।
चलचित्रमा इमोशन, सस्पेन्स, थ्रिल र एक्सन सटिक छ । पुलिसको भूमिका निर्वाहा गरेका रणदीप हूड्डाको अन्दाज एकदम अलग छ । मनोज बाजपेयीको स्क्रीन प्रजेन्स र भूमिकामा ट्विस्ट निकै रोचक छ ।
प्रतीक बब्बरको इन्ट्री जर्बजस्त छ । चलचित्रमा दिशा पाटनी निकै सुन्दर देखिएकी छिन् । टाइगरसँग उनको जोडी रियल लाग्छ ।