अम्बिकाका शब्दमा निराजन र साराको रोमान्स (भिडियो)

काठमाण्डौ। कवयित्री समेत रहेकी गीतकार अम्बिका गुरुङ प्रायः प्रेमिल शैलीका गीतहरु रचना गर्न सिपालु छिन् । अमेरिकामा बसेर नेपाली गीत–संगीत तथा साहित्यमा क्रियाशिल रहेकी गुरुङले यसपटक आफ्ना रोमान्टिक शब्दहरुको एउटा गीतको म्युजिक भिडियो तयार पारेकी छन् । ‘माया लगाइ…’ शीर्षकको उक्त गीतको म्युजिक भिडियो हालै सार्वजनिक भएको छ ।

संगीतकारको रुपमा स्थापित भैसकेका शंकर थापा स्माइलले यो गीतमा स्वर भरेका छन् । प्रस्तुत गीतमा संगीत पनि थापाकै छ । आफ्नै संगीत भएकाले हुनसक्छ संगीतकार थापा यो गीतको गायनमा खुलेका छन् । यो गीतलाई उदयराज पौडेलले संगीत संयोजन गरेका हुन् । आरबी रेकर्डिङ स्टुडियोमा रेकर्ड गरिएको यो गीतलाई अशोक महर्जनले मिक्सिङ गरेका हुन् ।

अर्जुन अधिकारीले यो गीतको म्युजिक भिडियोलाई गीतका शब्दहरु झैं रोमान्टिक बनाएका छन् । भिडियोमा अभिनेत्री सारा शिर्पाली तथा अभिनेता निराजन प्रधानले अभिनय गरेका छन् । भिडियोमा उनीहरुको जोडी लोभलाग्दो देखिएको छ । उत्सव दाहालद्वारा छायांकन गरिएको उक्त भिडियोलाई निशान घिमिरेले सम्पादन गरेका हुन् ।

भिडियो: