बैशाख २१ गतेबाट प्रदर्शनमा आउन लागेको चलचित्र ‘भोर’ को अफिसियल ट्रेलर सार्वजनिक भएको छ । नयाँ वर्ष २०७५ को छेकोमा सार्वजनिक गरिएको ट्रेलरमा दाइजो प्रथाको कथा झल्काइएको छ ।
चलचित्रले मधेशको सबैभन्दा ठूलो समस्या दाइजो प्रथाको यथार्थ कथा बोल्छ । यो चलचित्र करीब २ वर्ष अगाडि प्रदर्शनमा आएको व्यापारिक तथा समिक्षात्मक रुपमा सफल चलचित्र ‘झोला’ का निर्देशक यादवकुमार भट्टराईले निर्देशन गरेका हुन् ।
बैशाख २१ गतेबाट प्रदर्शनमा आउन लागेको ‘भोर’ को कथा कथाकार कृष्ण धरावासीले लेखेका हुन् । सोहि कथालाई निर्देशक भट्टराईले पटकथामा ढालेका छन् ।
चलचित्रमा डली सरकार, रामनारायण ठाकुर, अनिता रानी मण्डल, राजेश सक्सेना, बि एन पटेल, डली सरकार, प्रमेश झा, बटुक राज मिश्र, अनिता देव, पुजा कर्ण लगायत कलाकारहरु प्रमुख भूमिकामा छन् ।
चलचित्रका कार्यकारी निर्माता देबेन्द्र प्रसाद सुवेदी हुन् । दिपक बज्राचार्यले छायांकन गरेको चलचित्र भोरका निर्माता राज तिमल्सिना र राम गोपाल थापा हुन् ।
ट्रेलर हेर्नुस् :-