भारतको सबैभन्दा महान ग्रन्थ ‘महाभारत’ मा आधारित बलिउड सुपरस्टार आमिर खानले एक वेब सीरीज निर्माण गर्दैछन् । यसमा उनले भगवान श्रीकृष्णको भूमिका निर्वाहा गर्न लागेको खबर यतिबेला खुब चर्चामा छ ।
तर, आमिरले आफ्नो तर्फबाट उक्त रोल निर्वाहा गर्न अस्वीकार गरेका छन् । आमिरलाई लाग्छ कि हिन्दू म्याथोलोजी निकै जटिल छ ।
‘महाभारत’ माथी बनाउन लागिएको वेब सीरीजमा काम गर्नका लागि अहिले उनी पुनर्विचार गरिरहेका छन् । आमिर ‘पद्मावत’ लाई लिएर भएको चर्को विवादका कारण यसबाट टाढै रहन चाहन्छन् ।
आमिर खान पहिला पनि असहिष्णुतामाथी दिएकोे एक अभिव्यक्तिका कारण ट्रोलर्सको निशाना बनिसकेका छन् ।
केही वर्ष पहिले आमिरले देशमा बढ्दै गएको असहिष्णुताका कारण देश छाड्ने अभिव्यक्ति दिएका थिए । जसका कारण उनी खुब आलोचित हुनु परेको थियो ।
अचेल आमिर चलचित्र ‘ठग्स अफ हिन्दोस्तान’ को छायांकनमा व्यस्त छन् ।