अभिनेत्री आलिया भट्ट र अभिनेता विक्की कौशल स्टारर चलचित्र ‘राजी’ को अफिसियल ट्रेलर सार्वजनिक भएको छ । मे ११ मा रिलिज हुने यो चलचित्र लामो समयदेखि चर्चामा थियो ।
यस चलचित्रमा आलिया फरक-फरक भूमिकामा देखिएकी छिन् । चलचित्रमा आलिया एक छोरी, पत्नी र जासूसको भूमिकामा देखिनेछिन् । यस चलचित्रको कहानी १९७१ मा भारत र पाकिस्तानबीच भएको युद्धमा आधारित छ ।
हरिंदर सिक्काको उपन्यास ‘कलिंग सहमत’ मा आधारित यस चलचित्रमा आलिया एक कश्मिरको युवती ‘सहमत’ को भूमिकामा छिन्, जसको विवाह पाकिस्तानी सेना अधिकारीसँग हुन्छ ।
विक्की ‘राजी’ मा एक पाकिस्तानी सेना अधिकारीको भूमिकामा छन् । ट्रेलरको सुरुवातमा आलिया एक सोझी युवती जस्तै देखिएकी छिन् तर विस्तारै-विस्तारै उनको जिन्दगी बद्लिन्छ ।
ट्रेलरमा केही डाइलग निकै दमदार छन् । ‘राजी’ का निर्देशक मेघना गुल्जार हुन् । चलचित्रमाको निर्माण करण जौहरको धर्मा प्रोडक्शन र जंगली पिक्चर्सले गरेको हो ।
ट्रेलर :-