युवा स्टार अनमोल केसीससँग अभिनेता सरोज खनालले चलचित्र ‘क्याप्टेन’ मा सँगै काम गर्ने भएका छन् ।
चलचित्रमा अनमोलको क्याप्टेनको भूमिकामा सरोज खनाल हुनेछन् । यस चलचित्रलाई दीवाकर भट्टराईले निर्देशन गर्दैछन् भने भुवन केसी निर्माताको रुपमा छन् ।
यतिबेला सरोज नेपाली राष्ट्रिय फुटबल टिमका खेलाडी अनिल गुरुङसँग फुटबल सिकिरहेका छन् । सरोजले भने, ‘कृ’ को भन्दा मेरो भूमिका ‘क्याप्टेन’ मा धेरै राम्रो छ । फेरि अनमोलसँग काम गर्न पाउँदा खुसी छु ।’
‘चलचित्रको सुरुवात नै मबाट हुने भएका कारण फेक नलागोस् भनेर फुटबल सिकेको हुँ । पहिला त म फुटबल खेल्थेँ । २०-२५ वर्ष भयो छुटेको । नेपालमा फुटबल त फेमस गेम हो । कसरी खेलिन्छ भन्ने सबैलाई राम्रोसँग थाहा छ । यसैले फुटबलको नीति-नियम र खेल्ने शैली सिकिरहेको छु ।’ उनले भने ।
१ हप्तादेखि अभिनेता खनाललाई अनिल गुरुङले ट्रेनिङ दिइरहेका छन् । अझै यो तालिम ३ हप्ता चल्ने खनाल बताउँछन् । चलचित्रमा सरोजपछि अनमोललाई क्याप्टेन बनेको हेर्न पाइनेछ ।
चलचित्र ‘क्याप्टेन’ मा अनमोलसँग उपासना सिंह ठकुरीको जोडी बाँधिएको छ ।