नाजिर हल पुग्दा जे देखियो…(भिडियो र फोटोसहित)

फ्राईडे रिलिज अन्तर्गत शुक्रवारबाट देशभर प्रदर्शनमा आएको चलचित्र ‘तिमीसँग’ ले पहिलो दिन सुखद ओपनिङ गरेको वितरक गोपाल कायस्थले जानकारी दिएका छन् ।

उनका अनुसार, शुक्रवार बिहानैदेखि सिंगल र मल्टिप्लेक्स स्क्रिन लगभग हाउसफूल छन् । शुक्रवार बिहानीको शोमा गोपीकृष्ण मुभिजको कृष्ण हल हाउसफूल भएको छ ।

अभिनेत्री साम्राज्ञी राज्यलक्ष्मी शाह चलचित्र ‘इन्टु मिन्टु लण्डनमा’ को छायांकनका लागि बेलायत र अभिनेता आकाश श्रेष्ठ नयाँ चलचित्र ‘रामकहानी’ को सुटिङका लागि उपत्यका बाहिर भएका कारण शुक्रवार बिहानै अभिनेता नाजिरले गोपीकृष्ण हल पुगेर दर्शकको प्रतिक्रिया बुझे ।

हलमा उनलाई देखेपछि दर्शक झुम्मिए । सेल्फी खिच्नेहरुकोे भीड लाग्यो । दर्शकसँग खुसी हुँदै नाजिर पनि निकैबेर सेल्फीमा रमाए । उनी शुक्रवार नै दर्शकको यस खालको उपस्थितिले गदगद देखिन्थे । उता, निर्देशक तथा निर्माता शिशिर राणाको अनुहारमा पनि चमक देखिन्थ्यो ।

हलबाट निस्कँदै गरेका अधिकांश दर्शकले राम्रो बोलेका छन् । नाजिरको कामको तारिफ भएको छ । गोपीकृष्ण हलमा नाजिरलाई एक्लै देख्दा धेरै दर्शकले साम्राज्ञी र आकाशलाई पनि खोजेका थिए । शुक्रवार पहिलो शो का दर्शकबाट मिलेको उच्च वर्ड अफ माउथले चलचित्रको विजनेसमा ठुलो प्रभाव पर्ने देखिएको छ ।

चलचित्रमा रोशन भट्टराईको एक्सन, कविराज गहतराज र रामजी लामिछानेको कोरियोग्राफी र सुशिल क्षेत्रीको छायांकन छ । शिशिर राणा, साकार ओझा, समुन्द्र उप्रेती र सुशिल क्षेत्रीको पटकथा चलचित्रमा छ ।

भिडियो :-