अभिनेता टाइगर श्राफ स्टारर चलचित्र ‘बागी २’ ले प्रदर्शनको छैटौँ दिनमा स्वदेशी बक्सअफिसमा सय करोडभन्दा माथिको व्यापार गरेको छ ।
पहिलो दिन २५.१० करोड, दोस्रो दिन २०.४०, तेस्रो दिन २७.६०, चौथो दिन १२.१०, पाँचौ दिन १०.६० र छैटौँ दिन ९.१० करोड कलेक्सन गर्दै प्रदर्शनको छैटौँ दिनमा चलचित्रले कूल १०४.९० करोडको विजनेश गर्न सफल भएको छ ।
टाइगरकै दममा चलेको ‘बागी २’ ले प्रदर्शनको ६ दिनमा सय करोड कमाएको हो । योसँगै यसले यो बर्ष बनेका केही रेकर्डहरु तोड्ने संभावना देखाएको छ ।
चलचित्रमा टाइगरका अलावा दिशा पटानी रणदिप हुड्डा, मनोज वाजपेयी र प्रतिक बब्बर मुख्य भुमिकामा छन् । अहमद खानले निर्देशन गरेको चलचित्र २०१६ मा प्रदर्शन भएको ‘बागी’ को फ्रेन्चाइज हो ।