प्रधानमन्त्रीको भारत भ्रमण टोलीको सदस्यमा हमाल र डिसी

चैत २३, २४ र २५ गते प्रधानमन्त्री केपी शर्मा ओलीले गर्ने छिमेकी देश भारतको राजकीय भ्रमणमा दुई नेपाली कलाकार पनि सहभागी हुने भएका छन् ।

केही दिन अगाडि राजधानीमा आयोजित ‘दोस्रो फान अवार्ड’ मा ओलीले पहिलो पटक प्रधानमन्त्रीको भारत भ्रमणमा नेपाली कलाकारलाई सहभागी गराउने उद्घोष गरेका थिए ।

अभिनेता राजेश हमाल र निर्देशक तथा कलाकार दिनेश डिसीलाई प्रधानमन्त्री ओलीले आफ्नो राजकिय भ्रमणमा सहभागी गराउने भएका छन् । प्रधानमन्त्री कार्यालय बालुवाटारबाट यसको औपचारिक पुष्टि भएको छ ।

भारत भ्रमणको क्रममा प्रधानमन्त्री केपी शर्मा ओलीले बलिउडका चर्चित कलाकारसँग चैत २४ गते डिनर गर्ने कार्यक्रम समेत तय भएको छ । उनले त्यहाँ नेपालमा सुटिङमा आउनका लागि भारतीय कलाकारलाई आग्रह गर्नेछन् ।