चलचित्र ‘मनाङ्गे नानी’ वर्ष २०७५ को बैशाख १४ गतेबाट देशैभर प्रदर्शनमा आउने भएको छ । बिहीवार चलचित्रका दुई रोमान्टिक पोष्टर सार्वजनिक गर्दै निर्माण टिमले प्रदर्शन मिति समेत घोषणा गर्यो ।
पोष्टरमा अभिनेता भिम गुरुङ र अभिनेत्री शान्ती गुरुङ रोमान्टिक मूडमा देखिएका छन् । यस चलचित्र मा रिया गुरुङ, जेनिशा गुरुङ, कुशल गुरुङ, जेनिशा गुरुङ, खुशी गुरुङलगायतका कलाकारहरुको पनि प्रमुख भूमिका छ ।
मनाङको आसपासमा खिचिएको चलचित्र मा कथा, पटकथा तथा संगीत निर्देशक खुस बहादुर गुरुङको छ । यसलाई गौतम गुरुङ, सोलेबहादुर गुरुङ, भिमराज गुरुङ र टिकामाया गुरुङले मिलेर निर्माण गरेका हुन् ।
सुभेच्छा फिल्म प्रोडक्सनको ब्यानरमा निर्मित उक्त चलचित्र मा श्रीकृष्ण फुयाँलको छायांकन, जनक गुरुङको द्वन्द्व छ भने सम्पादनको जिम्मेवारी मित्र गुरुङले सम्हालेका छन् ।