‘सुपारी काँचो’ गीतका कारण चर्चामा रहेको चलचित्र ‘नेप्टे’ का यतिबेला केही संवादहरु दर्शकको जिब्रोमा राम्रै झुण्डिएका छन् । कमेडी ट्रेलरमा कलाकारले बोलेका संवादले चलचित्रप्रति दर्शकको ध्यान थप आकृष्ट गरिरहेको छ ।
देव कुमार श्रेष्ठ निर्देशित ‘नेप्टे’ का यस्ता छन् ५ हिट संवाद :
१. माया पिरतीमा युद्ध जरुरी छ भन्थे हो रैछ । (बुद्धि तामाङ)
२. ल्यासो, फ्याफुल्ला । काम त भइरा’रछ त खुल्लम खुल्ला । यता हामी रनभुल्ल । (दयाहाङ राई)
३. मान्छे राम्रो हुनका लागि कि अनुहार राम्रो हुनु पर्यो कि बेहोरा राम्रो हुनु पर्यो । मलाई राम्रो भन्ने ! जिस्काउने ! (दयाहाङ राई)
४. भनेकै थिएँ नि सपना देख्न जान्नु पर्छ । नत्र अैठन हुन्छ आले । (दयाहाङ राई)
५. हरियो डलर, डलरले विगार्यो कलर । (दयाहाङ राई)
यो चलचित्रमा अभिनेता दयाहाङ राई भिलेनको भूमिकामा देखिँदैछन् । यस्तै, रोहित रुम्बा, छुल्ठिम गुरुङ्ग, ए गुरुङ, वुद्दि तामाङ, पूर्णिमा लामा, अरुणा कार्की, प्रनिशा सिलवाल लगायतका कलाकारहरुको पनि चलचित्रमा अभिनय छ ।
ट्रेलर हेर्नुहोस् :-
‘नेप्टे’ का निर्माता रुम्बा आफैं हुन् । कविराज गहतराजको कोरियोग्राफी, तारा थापा ‘किम्भे’ को सम्पादन, रोशन श्रेष्ठको द्वन्द्व रहेको चलचित्रमा अभिनेता जय किशन बस्नेतलाई केमियो गर्दै गरेको देख्न सकिनेछ ।
किरण माइकलको पटकथा एवं संवाद रहेको चलचित्रमा रोहित आफैंले कथा लेखेका छन् । यो चलचित्र चैत ३० गतेबाट प्रदर्शनमा आउँदैछ ।