चैत ३० गतेलाई प्रदर्शन मिति तय गरिएको चलचित्र ‘लिलिबिली’ को तेस्रो गीत सार्वजनिक भएको छ । ‘हावा सरी’ बोलको गीतमा अभिनेता प्रदीप खड्का र अभिनेत्री प्रियंका कार्की फिचरिङ छन् ।
गीत टर्कीको स्तानबुलमा खिचिएको हो । गीतले प्रेमभाव बोल्छ । सुदिप बरालले खिचेको चलचित्रको गीतमा स्वर एसडी योगी र मेनुका पौडेलको छ भने, दिपेन्द्र घिमिरेको शब्दमा गायक योगीले नै संगीत भरेका छन् ।
कोरियोग्रोफी कविराज गहतराजले गरेका छन् । स्कटल्याण्ड, नेपाल र लन्डनमा पनि चलचित्रको छायांकन गरिएको हो ।
मिलन चाम्स निर्देशित यो चलचित्रमा जसिता गुरुङ, अनुप विक्रम शाही, सविन श्रेष्ठ, मनिष श्रेष्ठ, ध्रुव दत्त, रितेस चाम्स लगायतका कलाकारहरु पनि अभिनय छ ।
काफिया फिल्मस्, सुदीप खड्का प्रोडक्सन र चाम्स इन्टरटेनमेन्टको व्यानरमा निर्माण भएको लभ स्टोरी जनराको ‘लिलिबिली’ मा गोविन्द शाही र सुदिप खड्काको लगानी छ ।
भिडियो :-