प्रदीप भन्छन्, ‘जसिता श्रीमति बन्न योग्य’ (भिडियो)

चैत ३० गते अभिनेता प्रदीप खड्का र नव-अभिनेत्री जसिता गुरुङ अभिनीत चलचित्र ‘लिलिबिली’ प्रदर्शनमा आउँदैछ । चलचित्रमा प्रियंका कार्की, अनुप विक्रम शाही, सविन श्रेष्ठ लगायतका कलाकारहरुको पनि अभिनय छ ।

हाल फिल्मको प्रमोशनमा दिनरात खटिरहेका प्रदीप र जसिताले ‘लिलिबिली’ बाट दर्शकको साथ पाउनेमा ढुक्क रहेको बताउँछन् । प्रदीप भन्छन्, ‘राम्रो कथा छ । अभिनयमा अब्बल कलाकारहरुको अभिनय छ । राम्रो टिमले निर्माण गरेको हो । यसकारण यो चलचित्र दर्शकको मनमा बस्छ भन्नेमा मलाई शंका छैन ।’

यस्तै, जसिता पनि आफूले डेब्यू चलचित्रबाट ठूलो आश बोकेको बताउँछिन् । ‘फिल्म निकै राम्रो बनेको छ । मैले जे सोचेकी थिएँ त्यो डेब्यू चलचित्रबाट पाएको छु । प्रदीप जस्तो स्टारसँग काम गर्न पाएँ मेरो लागि सबैभन्दा ठूलो कुरा हो ।’ उनको नजरमा प्रदीप रिलमा परर्फेक्ट एक्टर र रियलमा असल साथी हुन् ।

‘उसको काम गर्ने शैलीबाट म प्रभावित छु । धेरै मिहिनेत गर्ने कलाकार हो प्रदीप ।’ उनले भनिन् । रियलमा श्रीमान् हुन् योग्य कि अयोग्य ? भन्ने प्रश्नमा जसिता उत्तर दिन्छिन्, ‘ऊ राम्रो छ । असल छ । अवश्य पनि श्रीमान् हुन योग्य छ ।’

उता, प्रदीप पनि जसिता जसको भए पनि श्रीमति हुन योग्य रहेको बताउँछन् । ‘पढेलेखेको मान्छे । सबैलाई सम्मान गर्छिन् । श्रीमतिमा हुनु पर्ने गुण उनीमा छ ।’ उनले पनि जसितालाई मख्ख बनाए ।

भिडियो :-

‘लिलिबिली’ को दुई गीत र ट्रेलरमा यो कपललाई दर्शकले औधी मन पराएका छन् । मिलन चाम्सले निर्देशन गरेको यस चलचित्रमा मिलन, गोविन्द शाही र सुदिप खड्काको लगानी छ ।