युवा स्टार अनमोल केसीले यस वर्ष प्रदर्शनमा आएको आफू अभिनीत फिल्म ‘कृ’ को सिक्वेलमा काम गर्ने भएका छन् । हाल नयाँ चलचित्र ‘क्याप्टेन’ को काममा व्यस्त उनले यस लगत्तै ‘कृ २’ सुरु गर्नेछन् ।
केही दिन अगाडि ‘कृ’ प्रदर्शनका लागि जापान उड्ने क्रममा निर्माता सुवास गिरी र अनमोलवीच यस विषयमा मौखिक कुराकानी भएको हो । कागजी सम्झौता भने चाँडै हुनेछ ।
निर्माता गिरीले भने, ‘हामीले ‘कृ’ को कथा सिक्वेल निर्माण गर्ने गरि नै छाडेका थियौं । अनमोल फेरि ‘कृ २’ मा दोहोरिने छन् । अरु सबै नयाँ हुन सक्छन् ।’
उक्त चलचित्रको अधिकांश छायांकन यूकेमा हुनेछ । खबरअनुसार, ‘कृ’ जहाँबाट अन्त्य भएको थियो, सिक्वेलको कथा त्यहीबाट अगाडि बढ्नेछ ।
चलचित्रमा सुवास गिरीको मात्र लगानी रहनेछ । ‘कृ’ का निर्देशक सुरेन्द्र पौडेलले सिक्वेल निर्देशन गर्ने सम्भावना निकै न्यून रहेको स्रोत बताउँछ ।
वर्ष २०७६ मा चलचित्र रिलिज गर्ने तयारीमा निर्माता गिरी छन् ।