बिहीवार राजधानीमा एक कार्यक्रमका बीच हरर चलचित्र ‘सुनकेसरी’ को ट्रेलर सार्वजनिक गरिएको छ । जेठ ११ गतेबाट प्रदर्शनमा आउने चलचित्रको ट्रेलर डरलाग्दो बनाइएको छ ।
अर्पण थापा निर्देशित यस चलचित्रमा ऋचा शर्मा, भीम न्यौपाने, रबिन्द्र झा, सुनिल पराजुली, तमन्ना शर्मालगायतका कलाकारहरुको अभिनय छ । ऋचाले अष्ट्रेलियामा बस्दै आएका भीम न्यौपानेसँगको सहकार्यमा यो चलचित्र निर्माण गरेकी हुन् ।
ट्रेलर रिलिज कार्यक्रममा अभिनेत्री ऋचाले ‘सुनकेसरी’ लाई स्तरिय हरर चलचित्र बनाएको बताइन् । उनी भन्छिन्, ‘अब सेतो साडी लगाएर दर्शक तर्सिदैनन् । हरेक कुरा नेचुरल हुनु पर्छ । यो चलचित्रले जबर्जस्ती दर्शक तर्साउँदैन ।’
उक्त चलचित्रमा अष्ट्रेलियन दरबार बुटिक होटलका पहिलो पाहुना र भुतप्रेतबीचको गतिविधीलाई मुख्य कथा बनाइएको छ । सम्पूर्ण छायांकन अष्ट्रेलियामा भएको यो चलचित्रको बजेट २ करोड बताइएको छ ।
चलचित्रमा शर्मिला सापकोटा र धर्मराज अधिकारी सह-निर्माताको रुपमा छन् भने कार्यकारी निर्माताको रुपमा मनोज अधिकारी छन् ।
चलचित्रमा कालीप्रसाद बाँस्कोटा र विजय अधिकारीको संगीत, रह शर्माको छायांकन र इयान स्कट क्लेमेन्टको सम्पादन छ ।
भिडियो :-