अभिनेत्री साम्राज्ञी राज्यलक्ष्मी शाह र अभिनेता आकाश श्रेष्ठ फिचरिङ चलचित्र ‘तिमीसँग’ को शीर्ष गीत सार्वजनिक भएको छ ।
चैत २३ गतेलाई प्रदर्शन मिति पक्का गरिएको चलचित्रको गीतमा मधुरा भट्टचार्य र राहुल मुखर्जीले आवाज दिएका छन् । राहुल मुखर्जीले संगीत भरेको गीतलाई लेखु सहयात्रीले लेखेका हुन् ।
गीतमा अन्नपूर्ण बेशक्याम्पको सौन्दर्य कैद गरिएको छ । यी दृश्यहरु शुशील क्षेत्रीले खिचेका हुन् । शिशिर खातीको कोरियोग्राफी रहेको गीतको भिडियोमा आकाश र साम्राज्ञीको जोडी कमालको देखिएको छ ।
शिशिर राणा निर्देशित उक्त चलचित्रले विदेशबाट घुम्न आएकी एक युवतीसँग दुई पुरुष पात्रको रमाइलो जर्नीको कथा वाचन गरेको छ ।
चलचित्रमा रोशन भट्टराईको एक्सन, कविराज गहतराज र रामजी लामिछानेको कोरियोग्राफी र सुशिल क्षेत्रीको छायांकन छ । शिशिर राणा, साकार ओझा, समुन्द्र उप्रेती र सुशिल क्षेत्रीको पटकथा चलचित्रमा छ ।
‘तिमीसँग’ मा नाजिर हुसेन, सुनिल वि.क, शिशिर राणा, अनुपम श्रेष्ठलगायतका कलाकारहरुको पनि प्रमुख भूमिका छ ।
भिडियो :-