‘रेस ३’ को पोष्टरमा सलमानको यस्तो लुक्स

बलिउड सुपरस्टार सलमान खानको नयाँ चलचित्र ‘रेस ३’ को पहिलो पोष्टर रिलिज भएको छ ।

सलमानले चलचित्रको फर्स्ट पोष्टर सोसल मिडियामा सार्वजनिक गर्दै लेखेका छन्, ‘यो हप्ता मिलाउने छु ‘रेस ३’ को फेमिलीसँग । मेरो नाम हो सिकन्दर । स्वार्थी तर निस्वार्थ ।’

सलमान खानको यो लुकले अनुमान लगाउन गाह्रो छैन कि चलचित्रमा उनको जर्बजस्त एक्सन हेर्न पाइनेछ ।

सलमानले आजसम्म चलचित्रमा भिलेनको भूमिका निर्वाहा नगरेका कारण उनले ‘रेस ३’ मा नेगेटिभ रोल चयन गरेका हुन् । उक्त चलचित्रमा उनको रोल पूरै नेगेटिभ भने छैन । उनी ‘रेस ३’ मा साइकोलोजिकल भिलेनको भूमिकामा देखिँदैछन् ।

सलमानको लुकसँगै चलचित्रको रिलिज डेट पनि कन्फर्म गरिएको छ । पोष्टरमा चलचित्रको रिलिज डेट १५ जून उल्लेख छ ।

यस चलचित्रमा सलमान खानका अलावा ज्याकलीन फर्नान्डिस, अनिल कपूर, डेजी शाह, बबी देओल र साकिब सलीम जस्ता एक्टर्स पनि देखिँदैछन् ।