‘हिरोज’ चलचित्रमा समाबेश ‘यो प्रित’ बोलको गीत सार्वजनीक भएको छ । चैत्र २३ गतेदेखि प्रदर्शनमा आउने तयारीमा रहेको चलचित्रको सो गीतमा करिश्मा मानन्धर र मुकेश ढकाललाई ‘फिचर’ गरिएको छ ।
प्रल्हाद तिमिल्सिना र प्रबिशा अधिकारीले गाएको गीत शंकर अधिकारी घायलले लेखेका हुन् । बिकास चौधरीले संगीत गरेको गीतको कोरियोग्राफी रामजी लामीछानेले गरेका हुन् । गीतमा करिश्मा र मुकेशबीचको प्रेमभाव झल्काइएको छ ।
अभिनेत्री पूर्णिमा लामाले निर्माण गरेको ‘हिरोज’ लाई एनबि महर्जनले निर्देशन गरेका हुन् । एक्सन लभस्टोरी चलचित्रमा बेरोजगारीको पीडा, महिला हिंसा, राजनैतिक बिकृति, अन्याय बिरुद्धको आवाजका साथै प्रेमकथा प्रस्तुत गरिएको बताइन्छ ।
चलचित्रमा करिश्मा मानन्धर, जयकिसन बस्नेत, पूर्णिमा लामा, मुकेश ढकाल,संजोग राणा, दिलकृष्ण श्रेष्ठ, सहिन प्रजापति, दिनेश डिसीलगायतका कलाकारले अभिनय गरेका छन् ।
जयलक्ष्मी फिल्मस्को ब्यानरमा निर्मित ‘हिरोज’ को प्रस्तुतकर्ता लक्ष्मी लामा छिन् भने निर्मातामा युवराज लामा, शेखर लामा र संजोग राणा छन् ।
शिब ढकाल र रामशरण उप्रेतीले खिचेको चलचित्रमा कमल राई, कबिराज गहतराज र रामजी लामीछानेको कोरियोग्राफी छ । चलचित्रको द्वन्द्व शंकर महर्जनले निर्देशन गरेका हुन् ।
भिडियो :-