बलिउड सुपरस्टार ऋतिक रोशन र सुजैन खानको सम्बन्ध विच्छेद भएको तीन वर्ष भइसकेको छ । आफ्नो १७ वर्ष लामो वैवाहिक सम्बन्धलाई उनीहरुले सन् २०१४ मा विश्राम दिएका थिए ।
उनीहरुको ऋदान र ऋहान दुई छोरा छन् । दुबैले दुई छोराको पालन पोषणको जिम्मा लिएका छन् । डिभोर्स भइसकेपछि पनि ऋतिक र सुजैनको सम्बन्ध पहिलेको जस्तै छ । समय समयमा भेटघाट गरिरहने र आफ्नो छोराहरुसँग समय बिताउने गरिहन्छन् उनीहरु ।
कहिलेकाँही उनीहरु डिनर पनि सँगै गर्छन् । सम्बन्ध राम्रो थियो भने किन डिभोर्स गर्नु ? बलिउडमा डिभोर्स र प्याचअपलाई सामान्य ठानिन्छ । पछिल्लो समय सुजैन र ऋतिक धेरै समयसँगै बिताउने गरेका छन् । त्यसैले उनीहरु फेरि सँगै हुने अड्कल पनि काटिन्छ ।
कुनै समय सुजैन र ऋतिकको जोडि बलिउडमा सबैभन्दा राम्रो र असल थियो । उनीहरको झगडाको कुरा पनि कहिल्यै आएन् । उनीहरु बलिउडका उदाहरण थिए ।