‘नाई नभन्नू ल’ सिरिज को ५ औँ श्रृङ्खला निर्माण हुने भएको छ । चैत १ गतेबाट छायांकन सुरु हुन लागेको ‘नाई नभन्नू ल ५’ मा लगभग कलाकारहरु फाइनल भइसकेका छन् ।
चलचित्रमा अभिनेत्री प्रियंका कार्की र बाल कलाकार अनुभव रेग्मीको निरन्तरता रहनेछ । यस्तै, स्वस्तिमा खड्का, अभिषेक नेपाल, बुद्धि तामाङ, जयनन्द लामा, दिलिप रायमाझी, उत्तम केसीको पनि चलचित्रमा लिड रोल रहने निर्देशक आचार्यले जानकारी दिए ।
चलचित्रमा प्रियंकाले स्वस्तिमाको आमाको भूमिका निर्वाहा गर्ने छिन् । ‘नाई नभन्नु ल ५’ मा बसन्त सापकोटाको संगीत, पुरुषोत्तम प्रधानको छायांकन, कविराज गहतराजको कोरियोग्राफी, अर्जुन जीसीको सम्पादन रहनेछ ।
निर्देशक आचार्य चलचित्रमा नयाँ नायकलाई भित्राउने तयारीमा छन् । सामिप्यराज तिमिल्सिना र विकास आचार्यको कथा, पटकथा तथा संवाद फिल्ममा छ ।