उमेश थापा र कविता गुरुङको वास्तविक प्रेमकथामा आधारित चलचित्र ‘बोबी’ को टिजर सार्वजनिक भएको छ ।
दुबै जनाको प्रेम, संघर्ष र सफलताको कथा ‘बोबी’ भित्र छ । चलचित्रमा कविता गुरुङ, उमेश थापा, विजय लामा, रुवी राना शाह (मिस नेपाल), रवी गिरी, सुरवीर पण्डित, पुर्णिमा लामा, बादल भट्ट, रश्मि भट्ट, देशभक्त खनाल लगायतका कलाकारको अभिनय छ ।
नर्वेमै बस्ने इन्जीनियर उमेश र होटल म्यानेजर कविताको प्रेमकथामा तयार गरिएको चलचित्रको स्क्रिप्ट संचारकर्मी नरेश भट्टराईले लेखेका हुन् ।
चाम्स इन्टरटेनमेन्ट र लण्डन आई इन्टरटेनमेन्टको व्यानरमा निर्मित चलचित्रमा ताराप्रकाश लिम्बुको संगीत, नवराजकृष्णको छायाँकन र अर्जुन जिसीको सम्पादन छ । चलचित्रको प्रदर्शन मिति तय भएको छैन ।
भिडियो :-