जेठ ११ गतेलाई प्रदर्शन मिति कन्फर्म भएको चलचित्र ‘ब्ल्याक’ को पहिलो गीत ‘चङ्गा जस्तै’ सार्वजनिक भएको छ । बिहिबार राजधानीमा आयोजित एक कार्यक्रमका बीच फिल्ममा समावेश पहिलो गीत सार्वजनिक गरियो ।
लभस्टोरी प्याटनको चलचित्रको गीतमा कहिँकतै पार्टी मुडमा त कतै जर्नी मुडमा विन्दास अवतारमा अभिनेता आकाश श्रेष्ठ अनि उनको टिम देखिएको छ । रामजी लामिछानेले गीतको कथा सुहाउँदो कोरियोग्राफी गरेका छन् ।
सार्वजनिक गीतमा प्रतिक पौडेलको स्वर, शब्द र संगीत छ । अभिनेता आकाशले चलचित्रको कथाले मन छोएका कारण आफू आवद्ध भएको सुनाए । करिब चार बर्षको अन्तरपछि निर्देशनमा फर्किएका निर्देशक प्रदिप श्रेष्ठले पछिल्लो पुस्ताका दर्शकको मनोभावना बुझ्ने गरी सोहि प्रकारको कथावस्तुमा चलचित्र बनाएको बताए ।
निर्मात्री आश्मा पाण्डेले लगानीको प्रतिफल राम्रो पाउने आशा व्यक्त गरिन् । चलचित्रको कथा मौनता श्रेष्ठले लेखेका छन् । रामशरण उप्रेतीले खिचेको चलचित्रलाई अर्जुन जिसीले सम्पादन गरेका छन् ।
गीत हेर्नुहोस् :-
आँचल र आकाशसँगै सुन्दर श्रेष्ठ, आयुष रिजाल, सुशिल श्रेत्री, धिरेन शाक्य, प्रिया रिजाल चलचित्रमा प्रमुख भूमिकामा छन् ।