यो बर्षको प्रतिक्षित चलचित्र ‘शत्रु गते’ को कमेडी ट्रेलर रिलिज भएको छ । चलचित्रका यस अगाडिका २ वटा गीतले राम्रो प्रतिक्रिया पाएका कारण पनि यसको ट्रेलर सबैका लागि प्रतिक्षामा थियो ।
प्रदीप भट्टराईको निर्देशन रहेको चलचित्रको ट्रेलरमा ‘शत्रु गते’ का अधिकांश लिड कलाकारलाई समावेश गरिएको छ । चलचित्रको ट्रेलरमा प्रयोग गरिएका संवादहरुले दर्शकलाइ हसाँउनेछन् । जसकाकारण, ‘शत्रु गते’ दर्शकका लागि विशेष रहने पक्का छ ।
हरिवंश आचार्य, दीपकराज गिरी, दीपाश्री निरौला, पल शाह, आँचल शर्मा, प्रियंका कार्की लगायतका कलाकारहरुको उपस्थिति भएकै कारण पनि चलचित्रको हाइप बढ्दो छ ।
तराई र काठमाण्डौमा छायांकन गरिएको यस चलचित्रलाई दर्शकले चैत्र ९ गते हेर्न पाउनेछन् । चलचित्रलाई मह सञ्चारले निर्माण गरेको हो भने यसको प्रस्तुतकर्ता किरण केसी रहेका छन् ।
यस्तो छ ट्रेलर :-
यो चलचित्रमा समावेश ‘रुपै मोहनी’ र ‘पिरतीको बर्को’ बोलको गीतले अहिले बजारमा धुम मच्चाइरहेको छ ।