चलचित्र ‘इन्काउन्टर गल्ली’ को प्रदर्शन मिति घोषणा गरिएको छ । निर्देशक एनआर घिमिरेले चलचित्र चैत्र २ गतेबाट देशव्यापी प्रदर्शनमा आउने जानकारी दिए ।
राजन चौलागाईँको निर्माणमा तयार भएको चलचित्रले गल्ली-गल्लीमा हुने अपराधिक क्रियाकलापको कथा उठाएको छ ।
खुसी फिल्म प्रोडक्सनको ब्यानरमा निर्माण भएको यस चलचित्रमा गजित बिष्ट, नवराज राउत, श्वेता खड्का, राजन चौलागाईँ, ध्रुव कोइराला लगायतका कलाकारको अभिनय रहेको छ ।
एक्सन प्रधान चलचित्रमा नायक गजित बिष्ट प्रहरी इन्स्पेक्टरको भुमिकामा देखिदैछन् ।