नेपाली चलचित्र ‘द प्रिन्स’ निर्माण हुने भएको छ । पुराना निर्देशक मदन घिमिरेको निर्देशनमा बन्न लागेको चलचित्रको सोमवार राजधानीमा एक कार्यक्रमका बीच कलाकार र निर्माण टिमको उपस्थितिमा औपचारिक निर्माण घोषणा गरियो ।
गीतकार सम्राट थापाको कथा रहेको चलचित्रमा सरोज खनाल, प्रिन्स थापा, शिवु शाह, कशिश दाहाल, मनिषा पाण्डे, निशा केसी लगायतको अभिनय रहनेछ ।
आधुनिक परिवेश, प्रेम, रोमान्स, मनोरञ्जनका साथै घात, विश्वास, त्याग र रहस्यको सेरोफेरोमा ‘द प्रिन्स’ निर्माण हुने निर्देशक घिमिरेले जानकारी दिए । उनले भने, ‘आत्मबलमा ठूलो शक्ति हुन्छ र निर्णय क्षमताले लक्ष्यसम्म पुग्न सहयोग गर्छ भन्ने सन्देश चलचित्रले दिनेछ ।’
रामशरण उप्रेतीको छायांकन रहने ‘द प्रिन्स’ मा कविराज गहतराजको नृत्य निर्देशन, सम्राट बस्नेतको द्वन्द्व र भोजराज देवकोटाको पटकथा रहनेछ ।
एन.पी. फिल्मस् प्रोडक्शनको ब्यानरमा निर्माण हुने चलचित्रका निर्माता विष्णु सिवाकोटी हुन् ।