केही दिन अगाडि सार्वजनिक भएको अडियो गीत ‘टुल्की’ को भिडियो सार्वजनिक भएको छ । यो गीत चलचित्र ‘मिस्टर भर्जिन’ मा समावेश छ । आइतवार राजधानीमा एक कार्यक्रमका बीच निर्माण टिम र कलाकारहरुको उपस्थितिमा चलचित्रको ‘टुल्की’ गीतको भिडियो सार्वजनिक गरियो ।
गीतमा सुरज पण्डितको स्वर, शब्द र संगीत रहेको छ । ‘टुल्की’ लाई नेपालको सुदूरपश्चिम तथा मध्यपश्चिम क्षेत्रमा गाइने देउडा फ्लेवरमा तयार पारिएको छ ।
भिडियोमा गौरव पहारी, स्मृती पोखरेल, श्रद्धा प्रसाईँ, विजय बराल, कमलमणी नेपाललगायतका कलाकारहरु फिचरिङ छन् । १ करोड लागतमा निर्माण भएको यो चलचित्रले तीन युवाको यौन मनोविज्ञानको कथा बोल्छ ।
चलचित्रमा मरिष्का पोखरेल, भोलाराज सापकोटा, रविन्द्र झा, सागर ढकाल, सिर्जना सुब्बा लगायतका कलाकारको पनि अभिनय छ ।
चलचित्रलाई वल्र्ड वाइड फिल्म्स डिस्ट्रिव्यूसन प्रा.ली. ले निर्माण गरेको हो । चलचित्रमा खिलेन्द्र तिमल्सिना, प्रजापती सिवाकोटी, मुकेश रेग्मी र बिशारद बस्नेतको लगानी रहेको छ भने सह-निर्मातामा सन्दिप उप्रेती रहेका छन् ।
‘मिस्टर भर्जिन’ मा महेश दवाडीको कथा, रामेश्वर कार्कीको छायांकन, विक्रम स्वाँर र दीपकमान सिंहको कोरियोग्राफी र सुरज पण्डित, श्रीकृष्ण बम मल्ल, बुलेट फ्लो, आधा सुर, आर जे, मिस्टर प्रिन्सको संगीत छ ।
भिडियो :-