गायक नवराज राईको शब्द, संगीत र स्वरमा ‘तिमी नै’ बोलको गीतको म्युजिक भिडियो सार्वजनिक भएको छ । आफ्नो प्रेमिकाप्रति समर्पित एक प्रेमभाव यो गीतमा पोखिएको छ ।
यस गीतलाई प्रदिप श्रेष्ठले एरेञ्ज गरेका छन् । नेपाल र सिङ्गापुरमा छायांकन भएको म्युजिक भिडियोलाई पछिल्लो समय चर्चामा रहेका निर्देशक राकेश किरातीले निर्देशन गरेका छन् ।
नेपाल र सिङ्गापुरको मनोरम दृश्यहरु यस भिडियोमा देख्न सकिन्छ । यस भिडियोमा प्रेसिका निरौलालाई फिचरिङ छिन् । सार्वजनिक भिडियोको बारेमा बोल्दै निर्देशक राकेशले भने ‘– यो म्युजिक भिडियो एकदम राम्रो बनाउने कोशिस गरेको छु, र केहि नयापन पनि दिन खोजेको छु ।’
राकेशले निर्देशन गरेको भिडियोमा बुद्ध थापा मगरको सिनेमाटोग्राफी तथा सम्पादन रहेको छ । भिडियोमा मेकअप तरुण राईको रहेको छ ।
भिडियो :-