चलचित्र ‘सुनकेसरी’ को टीजर सार्वजनिक भएको छ । नायिका ऋचा शर्मा निर्मित तथा अभिनित चलचित्रको टीजर निकै डरलाग्दो बनाइएको छ । नायिका ऋचाको रुपले त अझ सबैलाई चकित बनाउँछ । ‘सुनकेसरी’ हरर चलचित्र हो ।
भिम न्यौपाने, ऋचा शर्मा र शर्मिला सापकोटाले झन्डै २ करोड बजेटमा निर्माण गरेको चलचित्रमा ऋचाका अलावा रविन्द्र झा, सन्नी ढकालको पनि मुख्य भूमिका छ ।
‘सुनकेसरी’ मा अर्पण थापाको कथा, पटकथा र निर्देशन छ । यो चलचित्रमा अष्ट्रेलियन दरबार बुटिक होटलका पहिलो पाहुना र भुतप्रेतबीचको गतिविधीलाई मुख्य कथा बनाइएको हो ।
जेठ ११ गते प्रदर्शन हुने चलचित्रमा कालीप्रसाद बाँस्कोटा र विजय अधिकारीको संगीत, रह शर्माको छायांकन र इयान स्कट क्लेमेन्टको सम्पादन रहेको छ ।
भिडियो :-