बैशाख १४ गतेबाट प्रदर्शनमा आउन लागेको चलचित्र ‘कोहलपुर एक्सप्रेस’ को रोमान्टिक गीत रिलिज भएको छ । ‘भ्यालेन्टाइन डे’ को अवसरमा सार्वजनिक गरिएको ‘अब मनसँग मन’ बोलको गीतको भिडियोमा नायिका केकी अधिकारी र नायक विनोद न्यौपानेलाई फिचरिङ गरिएको छ ।
सुगम पोखरेल र अन्जु पन्तको स्वर रहेको गीतमा चर्चित संगीतकार अर्जुन पोखरेलको शब्द र संगीत सुन्न सकिन्छ । भिडियोमा केकी र विनोदको जोडी गज्जब सुहाएको छ । गम्भीर बिष्ट गीतका कोरियोग्राफर हुन् ।
सफल म्यूजिक भिडियो निर्देशक विशाल भण्डारीले पहिलो पटक ‘कोहलपुर एक्सप्रेस’ निर्देशन गरेका हुन् । ऋचा शर्मा, प्रियंका कार्की, बुद्दी तामाङ, रविन्द्र झा, कुशाग्र भट्टराईलगायतका कलाकारहरुको पनि अभिनय रहेको चलचित्रको कथा निर्देशक भण्डारी आफैंले लेखेका हुन् ।
अर्जुन तिवारीको छायांकन रहेको चलचित्रमा केकी निर्मात्रीको रुपमा छिन् । भद्र बहादुर शाही, देवी लाल न्यौपाने पण्डित र शिव प्रसाद चौलागाई ‘कोहलपुर एक्सप्रेस’ को निर्माताका रुपमा रहेका छन् ।
शान बस्नेतको कथा र लोकेश बज्राचार्यको सम्पादन रहेको यो चलचित्रले तीन यूवतीको कथा भन्नेछ ।
भिडियो :-