‘छ एकान छ’ लाई अमेरिकाबाट १५ लाख

ठुलोपर्दा डटकम, काठमाण्डौ। पुष २६ मा रिलिज हुने चलचित्र ‘छ एकान छ’ लाई अमेरिका प्रदर्शन अधिकारको लागि १५ लाख मा सम्झौता भएको छ। अमेरिकामा सक्रिय ‘रक फर नेपाल’ नामक कम्पनीले हाल पचास प्रतिशत रकम उपलब्ध गराईसकेको बताईएको छ।

‘फुल कमेडी’ यो चलचित्रमा हाँस्य कलाकारकै लगानी तथा अभिनय रहेको छ। तितो सत्य, जिरे खुर्सानी र मेरी बास्सैका कलाकार नयाँ अवतारमा हलमा आउँदै छन्। चर्चित आरजे, भिजे तथा कलाकार दिनेश डिसीको निर्देशनमा तयार ‘६ एकान ६’मा नायक राजबल्लभ कोईराला, निर शाह र गजित बिष्टको बिशेष भुमिका रहेको छ। छ जना हिरोकी एउटी हिरोईन बनेर निता ढुंगानाले अभिनय गरेकी छिन्।

कमेडी एक्शन चलचित्र ‘६ एकान ६’मा  शम्भुजित बास्कोटाको संगीत, एनबी महर्जनको द्वन्द्व, गम्भिर बिष्टको नृत्य, पुरुषोत्तम प्रधानको क्यामेरा रहेको छ। दिपक राज गिरीको कथामा बनेको सो चलचित्रमा बरिष्ठ हाँस्य कलाकार हरिवंश आचार्यले निर्देशक डिसीसँगै शिर्ष गीत गाएका छन्।