‘जाइरा’ मा नम्रता र अनुपको जोडी

फागुनको तेश्रो सातादेखि छायांकन सुरु गर्ने गरी चलचित्र ‘जाइरा’ निर्माणको घोषणा गरिएको छ । ट्रेन्ड सिटर्स प्रा.लि.ले बनाउने लागेको चलचित्रलाई आशुतोष राज श्रेष्ठले निर्देशन गर्ने छन् । उनको यो डेव्यु निर्देशकिय चलचित्र हो ।

एक्सन जनराको चलचित्र ‘जाइरा’ मा नायिका नम्रता श्रेष्ठ, नायक अनुपविक्रम शाही, रेमनदास श्रेष्ठ, प्रमोद अग्रहरी, सृजना रेग्मी, संगीता नापित र सम्राट मगरको मुख्य भूमिका रहनेछ । चलचित्रका लागि नायिका श्रेष्ठले यतिबेला फाइट समेत सिकिरहेकी छन् ।

बाबु सुरेश श्रेष्ठको सिनेम्याटोग्राफी रहने ‘जाइरा’ मा सम्राट बस्नेतको द्धन्द्ध निर्देशन रहनेछ । चलचित्रमा प्रशन्न गोपाली प्रमुख कार्यकारी निर्माताको रुपमा रहेका छन् ।